ပြည်ပမှတရားမ၀င်တင်သွင်းထားသည့် အရက်၊ ဘီယာ၊ ဝိုင်နှင့် စီးကရက်များကို အခွန်အခများ ပေးဆောင်စေပြီး အခွန်အမှတ်တံဆိပ်ကပ်နှိပ်စေ၍ ဈေးကွက်အတွင်း တရားဝင်ရောင်းချစေသည့် လုပ်ငန်းစီမံချက် အကောင်အထည်ဖော်ဆောင်ရွက်နိုင်ရေး လုပ်ငန်းညှိနှိုင်း အစည်းအဝေးကို ၂၀၁၄ခုနှစ် ဇူလိုင်လ ၃ရက်နေ့ နေ့လည်(၁)နာရီတွင် ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။ အစည်းအဝေးပွဲသို့ ပြည်တွင်းအခွန်များဦးစီးဌာန၊ ကုန်သွယ်ရေးညွှန်ကြားမှုဦးစီးဌာန၊ ကူးသန်းရောင်းဝယ်ရေးနှင့် စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြန်မာ့စီးပွားရေးဘဏ်၊ အကောက်အခွန်ဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ နေပြည်တော်စည်ပင်သာယာရေးကော်မတီ နှင့် မြန်မာနိုင်ငံလက်လီရောင်းချသူများအသင်းတို့မှ ဖိတ်ကြားထားသူများတက်ရောက်ခဲ့ကြသည်။ ယင်းအစည်းအဝေး၌ အရက်၊ ဘီယာနှင့် ဝိုင်များအား လက်လီ/လက်ကားရောင်းချသူများအနေဖြင့် FL-11 နှင့် FL-12 လိုင်စင်များရယူထားရန်၊ စားသောက်ဆိုင်၊ ဟိုတယ်နှင့် ကလပ်များတွင် ရောင်းချသူများအနေဖြင့် FL-15, FL-16 နှင့် FL-17 လိုင်စင် ရယူထားရန် လိုအပ်ကြောင်း၊ တာချီလိတ်နှင့် မြဝတီ လမ်းကြောင်းမှ တရားမ၀င်တင်သွင်းမှုများရှိနေသဖြင့် တရားမ၀င်တင်သွင်းရောင်းချမှုများမှာ ဧရိယာကျယ်ပြန့်၍ စီမံချက်အား ဧရိယာတစ်ခုလုံးတွင်ဆောင်ရွက်ရန်မလွယ်ကူသေးကြောင်း၊ ပြည်ပမှတရားမ၀င်တင်သွင်းထားသော အရက်၊ ဘီယာ၊ ဝိုင်နှင့် စီးကရက်များအား စီမံချက်ဆောင်ရွက်ရာ၌ စည်းကြပ်တန်ဖိုး၊ အကောက်အခွန်နှင့် ကုန်သွယ်လုပ်ငန်းခွန်တုိ့ကို စနစ်တကျတွက်ချက်၍ ဆောင်ရွက်သွားမည့်အကြောင်း၊ ကောက်ခံမည့်အခွန်နှုန်းထားများကိုလည်း နိုင်ငံတကာစံနှုန်းနှင့်အညီ ဆောင်ရွက်သွားမည်ဖြစ်ကြောင်း၊ ဈေးကွက်အတွင်း လက်ရှိကပ်နှိပ်ထားသော အခွန်အမှတ်တံဆိပ်အဟောင်းများနှင့် ထပ်မံဖြန့်ဖြူးပေးမည့် အခွန်အမှတ်တံဆိပ်များ၏ အကျိူးသက်ရောက်ခွင့်ကို သိရှိလိုကြောင်း၊ အမှတ်တံဆိပ်အတုနှင့် အစစ်အား ကွဲကွဲပြားပြားသိရှိနိုင်ရန် မီဒီယာများမှတဆင့် ဖော်ပြပေးရန် လိုအပ်ကြောင်း၊ စီမံချက်ကာလ၌ တင်ပြလာသောကုန်စည်များအား OSS အဖွဲ့ရှေ့မှောက်၌ အမှတ်တံဆိပ်များအား မျက်မြင်ကပ်နှိပ်စေမည်ဖြစ်ကြောင်း၊ အရည်အသွေးကောင်းမွန်သည့် အမှတ်တံဆိပ်များကို အမေရိကန် နှင့် ဂျာမနီမှ မှာယူသွားမည်ဖြစ်ကြောင်း၊ နိုင်ငံတကာ ကျန်းမာရေးစံနှုန်းများနှင့် အညီ စားသုံးသူများ မထိခိုက်စေရန် ဆောင်ရွက်ထားကြောင်း၊ လက်ရှိကောက်ခံနေသော အခွန်နှုန်းထားများမှာလည်း အရှေ့တောင်အာရှတွင် အနိမ့်ဆုံးနှုန်းထားဖြစ်ကြောင်း နှင့် စီးပွားရေးလုပ်ငန်းရှင်များ၊ ထိခိုက်နစ်နာမှု မရှိစေရန်တတ်နိုင်သမျှ ဖြေလျှော့ဆောင်ရွက်ပေးခြင်းဖြစ်ကြောင်းတို့ကို သက်ဆိုင်ရာဌာနများမှ ဆွေးနွေးပြောကြားသွားပါသည်။

မြန်မာနိုင်ငံလက်လီရောင်းချသူများအသင်း၏ ၁၈ ကြိမ်မြောက် လစဉ် ပုံမှန် အစည်းအဝေးကို ဇွန်လ (၂၈)ရက်နေ့ ၂၀၁၄ခုနှစ် အင်္ဂါနေ့ နေ့လည် (၄:ဝဝ)နာရီတွင် City Mart Holding Group အစည်းဝေးခန်းမ တွင် ကျင်းပပြုလုပ်ခဲ့သည်။ အစည်းဝေးပွဲတွင် ဒုတိယ ဥက္ကဌ ဦးမျိုးမင်းအောင်က ၂၀၁၄ခုနှစ် ဇူလိုင်လ ၃ရက်နေ့ နေ့လည် (၁၃း၀၀) နာရီတွင် ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန၊ အစည်းအဝေးခန်းမ၌ကျင်းပပြုလုပ်သော ပြည်ပမှတရားမ၀င် တင်သွင်းလာသည့် အရက်၊ ဘီယာ၊ ၀ိုင်နှင့် စီးကရက်များ ကို အခွန်အခများပေးဆောင်စေပြီး အခွန်အမှတ်တံဆိပ်ကပ်နှိပ်စေ၍ ဈေးကွက်အတွင်း တရားဝင်ရောင်းချစေသည့် လုပ်ငန်းစီမံချက် အကောင်အထည်ဖော်ဆောင်ရွက်နိုင်ရေး လုပ်ငန်းညှိနှိုင်း အစည်းအဝေးပွဲ တွင် ဆွေးနွေးခဲ့သည်များကို အလုပ်အမှုဆောင်များအား ပြန်လည်တင်ပြခြင်း နှင့် ၂၀၁၄ခုနှစ် ဇူလိုင်လ ၂၇ရက်နေ့ နေ့လည် (၁၀း၀၀) နာရီတွင် အလုပ်သမား၊ အလုပ်အကိုင်နှင့် လူမူဖူလုံရေးဝန်ကြီးဌာနပြည်ထောင်စုဝန်ကြီးရုံးမှ ဒုတိယဝန်ကြီး ဦးထင်အောင် ဦးဆောင်၍ အလုပ်အကိုင်နှင့် ကျွမ်းကျင်မူဖွံ့ဖြိုးတိုးတက်ရေးနည်းဥပဒေ (မူကြမ်း) နှင့်ပတ်သတ်၍ အစည်းအဝေးပွဲတွင် ဆွေးနွေးခဲ့သည်များကို အလုပ်အမှုဆောင်များအားပြန်လည်တင်ပြခြင်းများပြုလုပ်ခဲ့ပြီး အထွေထွေအတွင်းရေးမှူး ဦးသူရိန်ငြိမ်း နှင့် တွဲဖက် အတွင်းရေးမှုး ဦးဇော်မင်းလတ် တို့က HIDA (The Overseas Human Resource and Industry Development Association) မှ ဒီဇင်ဘာလတွင် ကျင်းပပြုလုပ်မည့် Distribution Policy for Myanmar Training Program သို့ အသင်းသားများ တက်ရောက်နိုင်ရန်နှင့် တက်ရောက်မည့်သူများစိစစ်ရွေးချယ်နိုင်ရန် ဆွေးနွေးခြင်း နှင့် သင်္ယန်းကျွန်းမြို့နယ်ရှိ AKK Shopping Center မှ Center ရှိ ဆိုင်ခန်းများမှ လုပ်ငန်းအခက်အခဲများ ရင်ဆိုင်ကြုံတွေ့နေရမူကို MMRA Members ကိုအောင်စည်ဖြိုး (O-Pa Faction) မှ အကူအညီတောင်း လာမူအပေါ် ဆွေးနွေးခြင်း၊ မြန်မာနိုင်ငံလက်လီရောင်းချသူများအသင်းTraining Center ထားရှိနိုင်ရန်အတွက် လက်ရှိဆောင်ရွက်နေသော Training Centerများနှင့်ပူးပေါင်းဆောင်ရွက်ရန်အတွက် ဆွေးနွေးခြင်း များအကြောင်းပြောကြားဆွေးနွေးခဲ့သည်။

မြန်မာနိုင်ငံလက်လီရောင်းချသူများအသင်း၏ ၁၇ ကြိမ်မြောက် လစဉ် ပုံမှန် အစည်းအဝေးကို ဇွန်လ (၅)ရက်နေ့ ၂၀၁၄ခုနှစ် ကြာသာပတေးနေ့ နေ့လည် (၃:ဝဝ)နာရီတွင် UMFCCI စတုတ္ထထပ် အစည်းဝေးခန်းမ တွင် ကျင်းပပြုလုပ်ခဲ့သည်။ အစည်းအဝေးတွင် အစီအစဉ်(၁)အရ အထွေထွေအတွင်းရေးမှူး ဦးသူရိန်ငြိမ်း နှင့် တွဲဖက်အတွင်းရေးမှူး ဦးနေ၀င်းမြင့်တို့က မြန်မာနိုင်ငံလက်လီရောင်းချသူများအသင်းမန္တလေးတိုင်းဒေသကြီးမှ ကြီးမှူးကျင်းပခဲ့သော "The System View of Tomorrow's Organization for MMRA" Seminar အကြောင်းနှင့်ပတ်သက်ပြီး တင်ပြဆွေးနွေးခဲ့ပြီး အစီအစဉ် (၂)အရ ဥက္ကဋ္ဌ ဒေါ်ဝင်းဝင်းတင့်မှ တရားမ၀င် အရက်၊ ဘီယာ၊ ၀ိုင်နှင့် စီးကရက်များ ရောင်းဝယ်ဖောက်ကားမှုအပေါ် သတိပြုရန် ခေါင်းစဉ်ဖြင့် ဇွန်လ ၂ရက်နေ့ထုတ် ကြေးမုံသတင်းစာတွင် ပါသော သတိပေးတားမြစ်ချက် အား ဆွေးနွေးခြင်း နှင့် အစီအစဉ်(၃)အရ ဂျပန်နိုင်ငံမှ ဒီဇင်ဘာလတွင် ဂျပန်နိုင်ငံသို့ လာရောက်ပြီး Distribution policy ဆိုင်ရာ သင်တန်းအားတက်ရောက်ရန်နှင့် ဂျပန်နိုင်ငံ၏လုပ်ငန်းများအား လေ့လာရန် ဖိတ်ခေါ်စာအား စီးပွားကူးသန်းဝန်ကြီးဌာနသို့ ပေးပို့ထားခြင်းများကို ပြောကြားတင်ပြခဲ့သည်။ အစည်းအဝေး အစီအစဉ်(၄) အရ အစည်းဝေးတက်ရောက်သူများက မြန်မာနိုင်ငံ လက်လီရောင်းချသူများအသင်းမှ ရေးဆွဲထားသော လုပ်ငန်းစဉ်များကို ကော်မတီအလိုက် လိုပ်ဆောင်ရန် အတွက် ချမှတ်အကောင်အထည်ဖော်ခြင်း ၁။ Financial and HR Management၂။ Operation Management ၃။ Supply Chain Mangement ၄။ Learning Best Practices အကြောင်း အားဆွေနွေးခြင်းများ၊ အစီအစဉ်(၅) အရ ဥက္ကဋ္ဌ ဒေါ်ဝင်းဝင်းတင့်က မြန်မာနိုင်ငံလက်လီရောင်းချသူများ အသင်း Newsletter ထုတ်ရန်နှင့် Website Update ပြုလုပ်ရန်အတွက် ဆွေးနွေးခြင်း၊ အစီအစဉ် (၆) အရ ထိုင်းနိုင်ငံချင်းမိုင်မြို့ တွင် သင်တန်းတက်ရောက်ခဲ့သော တွဲဖက်အတွင်းရေးမှူး ဒေါ်တင်စုလှိုင်မှ Competition Law နှင့် ပတ်သတ်ပြီး အသင်းအား ပြန်လည်းဆွေးနွေးတင်ပြခြင်း၊ အစီစဉ်(၇) အရ အစည်းဝေးတက်ရောက်သူအားလုံးမှ မြန်မာနိုင်ငံလက်လီရောင်းချသူများအသင်း Retaliers Conference / Retailers Seminar ပြုလုပ်ရန်အတွက် ဆွေးနွေးခြင်း နှင့် အစီအစဉ်(၈)အရ ဒုတိယ ဥက္ကဋ္ဌ ဒေါ်ခင်မျိူးသက်မှ MMRA ၏ လက်ရှိ ဘဏ္ဍာရေး အခြေအနေ ကိုတင်ပြခြင်းတို့ကို ပြောကြားတင်ပြခဲ့ပါသည်။ ယင်းအစည်းအဝေးတွင် နောက်ဆုံးအစီအစဉ်အဖြစ် Telenor မှ ကိုရေချမ်း နှင့် မခင်မေလင်းတို့က မြန်မာနိုင်ငံ လက်လီ ရောင်းချသူများ အသင်း နှင့် တွေ့ဆုံဆွေးနွေးပြီး Telenor Myanmar နဲ့ MMRA နှစ်ခုပူးပေါင်းပြီး cooperation လုပ်ရန်ဆွေးနွေးပြောကြားသွားခဲ့သည်။

မြန်မာနိုင်ငံလက်လီရောင်းချသူများအသင်း၏ ၁၆ ကြိမ်မြောက် လစဉ် ပုံမှန် အစည်းအဝေးကို မတ်လ (၁၁)ရက်နေ့ ၂၀၁၄ခုနှစ် အင်္ဂါနေ့တွင် ကျင်းပပြုလုပ်ခဲ့သည်။ ယင်းအစည်းအဝေးတွင် ဆွေးနွေးခဲ့သည့်အကြောင်းအရာများမှာ မြန်မာနိုင်ငံလက်လီရောင်းချသူများအသင်းမှ ရေးဆွဲထားသော လုပ်ငန်းစဉ်များကို ကော်မတီအလိုက် လုပ်ဆောင်ရန် အတွက် ချမှတ်အကောင်အထည်ဖော်ခြင်း၊ Retail Training Center တည်ထောင်ရန် ဆွေးနွေးလိုခြင်း၊ Ooredoo မှ မြန်မာနိုင်ငံလက်လီရောင်းချသူများအသင်း၏ သက်ဆိုင်ရာ တာဝန်ရှိသူများနှင့် တွေ့ဆုံလိုကြောင်းပြောကြားထားခြင်း၊ မြန်မာနိုင်ငံလက်လီရောင်းချသူများအသင်း၏ အသင်းသား လက်လီလုပ်ငန်းရှင်များကို အထူးပြုရောင်းချသော ကုန်စည် အမျိုးအစား (Cluster) အလိုက် ထားရှိလိုခြင်း၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်သို့ - နိုင်ငံခြားဖြစ် စီးကရက်၊ ဘီယာ၊ ဝိုင် နှင့် အရက်များအတွက် သွင်းကုန်လိုင်စင်နှင့် ပြည်တွင်းတွင် ရောင်းဝယ်ခြင်းဆိုင်ရာ မူဝါဒ (ပေါ်လစီ) အား ပုဂ္ဂလိက ကဏ္ဍမှ တင်ပြပေးနိုင်ရန် အတွက် ဦးဆောင်ဆွေးနွေးမှု ပြုလုပ်ပေးပါရန် တင်ပြထားခြင်း၊ မြန်မာနိုင်ငံလက်လီရောင်းချသူများအသင်း၊ မန္တလေးတိုင်းဒေသကြီး မှ တင်ပြထားသော အကြောင်းအရာများကိုပြန်လည်ဆွေးနွေးတင်ပြခြင်း၊ နှင့် အခြားဆွေးနွေးလိုသည်များကို အစည်းဝေးတက်ရောက်သူများကတင်ပြဆွေးနွေးခဲ့သည်။

မြန်မာနိုင်ငံလက်လီရောင်းချသူများအသင်း၏ ၁၅ ကြိမ်မြောက် လစဉ် ပုံမှန် အစည်းအဝေးကို ဇန်န၀ါရီလ (၂၃)ရက်နေ့ ၂၀၁၄ခုနှစ် ကြာသာပတေးနေ့တွင် ကျင်းပပြုလုပ်ခဲ့သည်။ ယင်းအစည်းအဝေးတွင် ဆွေးနွေးခဲ့သည့်အကြောင်းအရာများမှာ Japan Retailers Association နှင့် မြန်မာနိုင်ငံလက်လီရောင်းချသူများအသင်း တို့ တွေ့ဆုံမည့် ဆွေးနွေးပွဲ အတွက် ကြိုတင်ညှိနှိုင်းဆွေးနွေးခြင်း၊ မြန်မာနိုင်ငံလက်လီရောင်းချသူများအသင်း၏ လက်ရှိအလုပ်အမှူဆောင်များနှင့် ထပ်မံလျှောက်ထားသော အလုပ်အမှူုဆောင်သစ်မျာ၏ ရာထူးအလိုက် ပြန်လည်ဖွဲ့စည်းပုံကိုပြသခြင်း၊ မြန်မာနိုင်ငံလက်လီရောင်းချသူများအသင်း၊ မန္တလေးတိုင်းဒေသကြီး၏ အလုပ်အမှုဆောင်အဖွဲ့ ဖွဲ့စည်းခဲ့ခြင်းနှင့်စပ်လျဉ်း၍ ဆွေးနွေးခြင်း၊ မြန်မာနိုင်ငံ လက်လီရောင်းသူများအသင်း၏ ရှေ့ဆက်လုပ်ဆောင်မည့် လုပ်ငန်းစဉ်များအတွက် ဆွေးနွေးခြင်း နှင့် ၂၀၁၄ခုနှစ် အတွင်း ပြုလုပ်မည့်လုပ်ငန်းစဉ်များကို ဆွေးနွေးရေးဆွဲခြင်း၊ မီဒီယာမှ တာဝန်ရှိသူများနှင့် တွေ့ဆုံ၍ လက်လီနယ်ပယ်အတွင်း ဖြစ်ပေါ်လာနိုင်သော ကိစ္စရပ်များကို သတင်းအဖြစ်ရေးသားမည့်ကိစ္စရပ်အပေါ် ဆွေးနွေးခြင်း နှင့် မြန်မာနိုင်ငံလက်လီရောင်းချသူများအသင်း၏ Web Page ကိုပြသခြင်းများကို ပြုလုပ်ခဲ့ပါသည်။